Гиалурон қышқылы: көзге, және тағы бақаларға да арналған

Гиалурон қышқылы – адам ағзасының көптеген тіндерінде кездесетін маңызды органикалық қосылыс. Ол жасушалардың пролиферация процесінің (бөліну нәтижесінде жасушалардың көбеюі) маңызды қатысушысы: гиалурон қышқылы қабыну процестері басталған зақымдалған тіндерге және органдарға оттегі мен қоректік заттарды тасымалдауды қамтамасыз етеді.

Гиалурон қышқылы, коллаген және эластан молекулаларымен бірге, адам терісінде болады, теріге шымырлық береді және регенерация процесіне қатысады.

Гиалурон қышқылының жоғары мөлшері адам ағзасындағы көптеген сұйықтықтарға, оның ішінде табиғи көз жасына да тән. Ол сондай-ақ көздің шыны тәріздес денесінде болады.

Ағза гиалурон қышқылын кайдан алады?

Адам ағзасы гиалурон қышқылын өздігінен шығарады, бірақ оның синтезі шамамен 25 жастан бастап баяулайды, ол кезде гиалурон қышқылының ыдырау процесі оны өндіру процесінен басым бола бастайды. Мысалы, теріде «гиалурон» құрамы төмендей бастағанда, тері бірте-бірте ылғалды жоғалтады, алғашқы әжімдер пайда болады және шымырлық жоғалады. Бүкіл ағзада ұқсас процестер жүреді.

Гиалурон қышқылының қасиеттері бұрыннан белгілі. Алдымен ол жануар тіндерінен алынды, бірақ мұндай затты аллерген болуы мүмкін жануар ақуызынан тазарту қиын болып шықты. Қазір оны өсімдік шикізатынан синтездеу технологиясы бар. Осылайша алынған гиалурон қышқылы жануар тектес қосылыстарға қарағанда анағұрлым тиімді және қауіпсіз, және оны өндіру кезінде жануарлар зардап шекпейді.

Офтальмологиядағы гиалурон қышқылы

Ылғалды ұстап тұру қабілетінің арқасында гиалурон қышқылы офтальмологияда табыспен қолданылады. Құрамында гиалурон қышқылы бар көз тамшылары көздің мүйізгек қабығының беттігіне тез және біркелкі таралады және көз беттігін ылғалдандыратын табиғи көз жасы қабыршағына ұқсас қорғаныс қабыршағын жасайды. Гиалурон қышқылының осы қасиеттерінің арқасында құрамында гиалурон қышқылы бар препараттар көздің тітіркенуінен және құрғақтық сезімінен тез арылуға көмектеседі.

Офтальмологияда көзге арналған гиалурон қышқылы бірқатар мәселелерді шешуге көмектеседі:

• көз жасы қабыршағын қалпына келтіре алады

• көздің шырышты қабығының кебуіне жол бермейді

• «құрғақ көз» синдромымен күреседі

• контактілі линза киетін адамдар үшін таптырмас көмекші, көзді ылғалдандыруға және линза киіп жүруге бейімделуге көмектеседі

• офтальмологиялық оталардан немесе жарақаттардан кейін тіндерді және көз жасын бөлу процесін қалпына келтіруге көмектеседі

• аллергиялық реакциялар туғызбайды, қолданылуы қауіпсіз дерлік, бірақ бұл препаратты қолданар алдында офтальмологпен кеңесу қажеттілігін жоққа шығармайды.

Құрамында гиалурон гиалурон қышқылы бар ылғалдандыратын көз тамшыларын калай тандау керек

Құрамында гиалурон қышқылы бар көз тамшыларының таңдауын маманға қалдырған жөн. Ол пациенттің жеке ерекшеліктерін ескере отырып, оңтайлы нұсқаны таңдауға көмектеседі. Ылғалдандыратын препаратты таңдаған кезде көптеген егжей-тегжейлер маңызды, соның ішінде пациенттің контактілі линза немесе көзілдірік киюі. Маман сондай-ақ офтальмологиялық аурулардың болуын ескереді, өйткені кейде құрғақтық, күйдіру сезімі құрғақ көз синдромымен емес, басқа патологиялармен байланысты.

Көптеген жағдайларда пациенттерге гиалурон қышқылына негізделген тамшылар тағайындалады. Дәрігерлер Hilo желісінің препараттарын жиі ұсынады. Солардың бірі – Хило-Комод. Ол көздің мүйізгек қабығын сыртқы факторлардан, соның ішінде әлеуетті тітіркендіргіштерден қорғайтын қабыршақ жасау арқылы контактілі линза киюден туындаған жайсыздықты тез жояды. Егер пациенттің көзі құрғап, күйіп, қызарса, әдетте Хило желісінің препараттары, тағайындалады. Препарат сондай-ақ офтальмологиялық оталардан немесе жарақаттардан кейінгі кезеңде тағайындалады.

Құрамында гиалурон қышқылы бар ылғалдандыратын Хило-Комод тамшыларын дәрігердің нұсқауымен күніне үш рет немесе жиірек қолдану ұсынылады. Олардың құрамында консерванттар мен фосфаттар жоқ, сондай-ақ сауыттың арнайы дизайны препараттың сапасын бұзуы мүмкін микроағзалардың қаптаманың ішіне енуіне жол бермейді – сауытты ашқаннан кейін ол алты ай бойы жарамды болып қалады. Препаратты ұзақ уақыт бойы дәріге үйреніп кету қаупінсіз қолдануға болады.