«ЖАСАНДЫ КӨЗ ЖАСЫ» дегеніміз не?

Жасанды көз жасы – бұл көздің мүйізгек қабығын жабатын көз жасы қабыршағын қалпына келтіру және тұрақтылығын қамтамасыз ету үшін қолданылатын өнімдердің жалпы атауы. Жасанды көз жасы тамшылары көздің шырышты қабатын қосымша ылғалдандырады және оның кебуіне жол бермейді.

Мамандар көзді сыртқы тұрақты жағымсыз әсерлерден және әртүрлі тітіркендіргіштердің әсерінен қорғау үшін осындай препараттарды қолдануды ұсынады. Жасанды көз жасын қолданудың артықшылығы – осындай препараттардың қауіпсіздігі және, көздің шырышты қабаты тітіркенген немесе зақымдалған болса да, оларды қолдану мүмкіндігі.

ТАБИҒИ КӨЗ ЖАСЫН ҚАЛАЙ АЛМАСТЫРУҒА БОЛАДЫ?

Жасанды көз жасы – бұл жергілікті қолданылатын препараттар, олар көбінесе тамшы түрінде, сирек – гель түрінде жасалады. Олардың құрамында әртүрлі белсенді заттар болуы мүмкін, бірақ гиалурон қышқылы негізіндегі көз жасының алмастырғыштары ең озығы болып саналады. Бұл белсенді зат препараттың жоғары тұтқырлығын қамтамасыз етеді, бұл көздің мүйізгек қабығымен ұзақ уақыт түйісуге мүмкіндік береді. Тамшылар табиғи көз жасына толығымен ұқсас дерлік. Осының арқасында тамшыларды жақсы көтеруге болады және олар табиғи көз жасы қабыршағына тән әрекетті қамтамасыз етеді: олар көздің мүйізгек қабығының ылғалдылығын сақтайды және көз жасы қабыршағының оптикалық сипаттамаларын қамтамасыз ете отырып, жарық сәулесін сындыру қызметін атқарады.

«ЖАСАНДЫ КӨЗ ЖАСЫ» КІМГЕ КЕРЕК?

Жасанды көз жасы тамшылары – бұл төмендегілерге мұқтаж адамдарға көздің денсаулығын сақтаудың маңызды элементі:

компьютерлік көру синдромы, құрғақ көз синдромы, жасқа байланысты өзгерістер, гормоналды препараттарды қабылдау, көз жасының бөлінуіне және оның құрамына әсер ететін аурулар себебінен зақымдалған табиғи көз жасы қабыршағының жасалуын және әрекет етуін қалпына келтіру;
компьютермен немесе көшеде ультракүлгін сәулелердің астында жұмыс жасайтын; шаң үй-жайларда немесе ауа температурасы үнемі жоғары болатын жерлерде жұмыс жасайтын адамдарда жиі кездесетін көз құрғақтығынан арылу;
офтальмологиялық оталардан немесе көз жарақаттарынан кейін қалпына келу кезеңінде;
контактілі линзаларды үнемі киген кезде.

КӨЗ ЖАСЫНЫҢ АЛМАСТЫРҒЫШТАРЫН ҚАЛАЙ ПАЙДАЛАНАДЫ?

Ең маңызды ереже – өзін-өзі диагностикалаумен және өзін-өзі емдеумен айналыспау, дәрігерден кеңес алмай жасанды көз жасы тамшыларын пайдалануды бастамау, препаратты қолданар алдында препаратқа қатысты нұсқаулықты міндетті түрде оқу. Жанама әсерлері немесе қарсы көрсетілімдері болмаса да, препараттың дозасын асырмаңыз.

Сондай-ақ, көз тамшыларын қолдануға қатысты жалпы нұсқауларды орындаңыз:

Препаратты қолданар алдында қолыңызды сабынмен мұқият жуыңыз.
Егер тамшылар тоңазытқышта сақталса, оларды бірнеше минут алақаныңызда жылытыңыз.
Препаратты төменгі қабақтың астына, оны алдын ала бос қолыңыздың саусағымен төмен қарай тартып, тамызыңыз.
Сауыттың шырышты қабықпен жанаспауын қамтамасыз ету керек, бұл көз инфекциясын болдырмауға көмектеседі.
Дәрілік затты тамызғаннан кейін бірнеше рет көзіңізді жыпылықтаңыз, сонда препарат мүйізгек қабығының беттігіне біркелкі таралады.
Көзге тамшы құюдың оңтайлы жағдайы – жату.

КӨЗДІ ЫЛҒАНДАНДЫРАТЫН ПРЕПАРАТТЫ ҚАЛАЙ ТАҢДАУ КЕРЕК

Жасанды көз жасы – қайсысын сатып алған дұрыс? Таңдау жасағанда неге назар аудару керек? Жеке ерекшеліктерді ескере отырып, ең жақсы таңдау жасауға көмектесетін негізгі үш пунктке назар аударуды ұсынамыз.

1. Жасанды көз жасы тамшыларының белсенді заты.

Жасанды көз жасы құрылымы мен қасиеттері бойынша табиғиға барынша жақын болуы керек болғандықтан, гиалурон қышқылына негізделген препараттарға артықшылық берген жөн. Оның қасиеттері мен құрамы адамның табиғи көз жасының қасиеттері мен құрамына барынша ұқсас, ол теріде, ағза сұйықтықтарында және көз алмасында болады. Гиалурон қышқылы ылғалды жақсы сақтайды: «гиалуронның» бір молекуласы судың мың молекуласын ұстап тұра алады! Құрамында гиалурон қышқылы бар әйгілі жасанды препараттардың бірі – Ursapharm неміс компаниясы өндіретін Хило-Комод, сондай-ақ осы өндірушінің Хило желісінің басқа да препараттары.

2. Көз жасы алмастырғышының құрамында консерванттар мен фосфаттардың болмауы.

Фармакологияда консерванттар тамақ өнеркәсібінде қолданылатын мақсаттар үшін қолданылады: залалсыздықты бұзатын, қасиеттеріне әсер ететін, тұтынған немесе қолданған кезде өнімді қауіпті ететін микробтардың көбеюінен өнімді қорғау үшін. Консерванттардың арқасында көз тамшыларын сауытты ашқаннан кейін ұзақ уақыт қолдануға болады, алайда мұндай препараттарды ұзақ қолдану қажет емес, өйткені консерванттар көздің жай-күйіне теріс әсер етеді. Бұдан басқа, консерванттары бар тамшыларды контактілі линзалармен бір уақытта қолдануға болмайды. Сондықтан тамшыларды сатып алғанда, тек белсенді заттарға ғана емес, сонымен қатар консерванттардың болуына назар аудару керек.

Фосфаттар сондай-ақ көзге теріс әсер етеді – құрамында фосфаттар жоқ тамшыларды таңдаған дұрыс.

3. Микроағзалардың ішке ену мүмкіндігіне жол бермейтін сауыт.

Егер препараттың құрамында консерванттар болмаса, онда ол ашылғаннан кейін микроағзалардың препаратпен байланысуына жол бермейтін сауытта болуы керек. Осының арқасында тамшыларды ұзақ уақыт қолдануға болады.